Hausting og tørking av tobakk

I dag har eg hausta inn dei nederste bladene på tyrker-plantene. Desse plantene ser ganske klare ut då ein kan sjå at dei vert gyllen (gule) på dei nederste bladene. Dette betyr «plukk meg».
Det blei litt tobakk av det. Tørkeprosessen blir på eit vanlig rom med vindauget ope, og ei vifte som lagar ein fin bris i rommet heile tida, så får me etter ei vekes tid sjå korleis det går. Ser eg at dei tørkar og den gule og kule fargen kjem listande med tida og ein unngår mugg, så trur eg me går for den planen.
Desse tyrkiske såkalt «latakia» plantene som det sto på frøpakken produserar fleire men mindre blader enn f.eks Burley og Virginia som eg óg har planta ein god del av.
Eg lot som tidligare nevnt 2 plantar produsere blomster så eg kan ta frø av etterkvart som dei er klare. Dei kjem muligens til å blande seg med dei voldsomme plantane i drivhuset, men det drit eg i nett no. La gå!

Svinheim-avdelingen såg veldig bra ut i helgen, då eg vatna og plukka ugras med god hjelp fra Ragnhild. Ein god gjeng hadde produsert blomsterbukett, og mange av plantene såg både sterk og frisk ut med nokre solide blader. Det lovar godt, og fleire av bladene såg ut som ville bli plukka. Eg har ein tendens til å gløyme å sende bilete av åkeren når eg først er der, så det får vente til neste oppdatering.

Plan framøve: Hausting og tørking med jevne mellomrom; Nokon modnar fortare enn andre.
Lage fermenteringsboks for siste prosess tobakken skal gjennom, som igjen vil ta rundt 3-5 veker.
Til slutt er det å lagre tobakken på eit fornfutig vis, kutte tobakken etter kva bruk den skal få (sigar, pipetobakk, rullings, sigarett), men det må resultatet få bestemme. Blir det vanskelig å bearbeide, og mykje av ein type og lite av ein annen, så kan det plutselig bli kun rullings. Det er kun ein ting å sei om den saken: ME FÅR SJÅ!

Tyrkerne til høgre har fått nokre flotte rosa blomster som både ser vakre ut og som duftar godt.

Nærbilde

Virginia-plantene med husveggen ser heidundranes bra ut

Husveggen med tobakk. Alle er toppa, bortsett fra dei to plantene i starten av bildeserien.

Maryland plante

Orinoco plantene i bøtter. Desse ser ut til å produsere god tobakk foreløpig

Ein snik av ein type eg ikkje huskar. Merkelappen har svunne hen.

To store Virginia-planter i bøtter.

Meir tobakk for ei veke sidan.

Tobakken no.

Burley tobakken i drivhuset er enorm.

Eg lot to av 4 burley planter i drivhuset til å få blóm. Desse blomstrar no voldsomt, mens eg toppa resten av plantene.

Tobakk som visar seg å vere klar for hausting. Har plukka litt frå plantene med husveggen.

Berre nokre få blad er plukka, og jaggu blei det ein god ladning.

Må koste av driten fra bladene. Både insekt, egg og sand ligg her.

Den første innhaustingen ligg her.

Sånn er den gjennomsnittlige størrelsen av tyrker-plantene. Dei produserar mindre men fleire blader enn f.eks Burley og Virginia.

Samme uten hand.

Her har eg bunde 3-4 blader saman med eit lite/tynt tau klar til å hengast opp til tørk.

Nokre blader er hengt opp i drivhuset som ein test.

Dagens innhausting er her hengt opp til tørk.

Tørkerommet